Qostanaı oblysyndaǵy basty kúretamyr joldarmen júretin jolaýshylar qıyndyqty asa ýaıymdamaıdy. О́ıtkeni, olar ózine keletin kómekti biletin bolǵan. Aýdandarǵa zat tasıtyn júrgizýshi Vladımır Rashýpkın ony óz tájirıbesinen kórip júr. Jaqynda tal túste Qostanaı-Áýlıekól tas jolymen aýdanǵa júk apara jatqan «Folksvagen» mashınasynyń dońǵalaǵy jarty jolda isten shyqty. О́ziniń mashına qorabynda jatqan quraly sáıkes kelmeı, ańtarylyp turyp qaldy.
«Jolaýshy mashınalardyń eshqaısysy «ne boldy?» dep kidirýdi bilmeıdi, zýyldap ótip jatyr. Múmkin men aýyryp turǵan shyǵarmyn? Men osy jolda júrgenime talaı jyl boldy. Júrgizýshiler ótinse, ylǵı toqtap, kómektesemin. Eshkimniń toqtamaǵanyna renjip turǵanmyn. Osy jolda kezekshilik atqaryp júrgen polıseıler kele qaldy. Olar eki sózge kelgen joq, dońǵalaqty aýystyryp berdi» deıdi Vladımır Rashýpkın.
Polısııa departamentiniń Jol-patrýldik polısııasy batalonynyń qyzmetkerleri Janat Qulmanov pen Aslan Seıdahmetovtyń tehnıkalyq bilimi kóp paıdaǵa asyp júr. Olarǵa mashınany tekserip, dońǵalaǵyn aýystyryp berý qıynǵa soqpaıtyn is. Polıseılerdiń mashınasynda «domkrat» quraly jatady. «Kerek tastyń aýyrlyǵy joq» degen, ol osylaı paıdaǵa asyp ketedi. Bul usaq-túıek emes, saýda uıymy ókiliniń mashınasynda tez buzylatyn, aýyldaǵylar kútip otyrǵan qansha zat bar edi. Júrgizýshi alǵysyn aıta-aıta aýdanǵa júrip ketti.
Názıra Járimbet,
«Egemen Qazaqstan»
Qostanaı